Programa spesial pa kon por manehá bo peso basa riba bo mes konstitushon di nansementu

Pa motibu di e tantísimo reakshon riba e último programa di maneho di peso, Fundashon Grupo pa Komunidat lo kuminsá ku e di dos programa kon por manehá bo peso basa riba bo mes konstitushon. E programa aki su enfoke prinsipal ta pa maneho di peso i no nesesariamente baha di peso. Esaki saliendo for di e prinsipionan di  Ayurveda (estilo di bida basa riba bo mes konstitushon di nansementu), ku kada individuo tin su mes konstitushon,  ta nifiká ku tur su konsekuenshanan ku e por tin, no por forsa bahada di peso kontra di e partisipante su konstitushon di nansementu.  Den kuadro aki a añadí  mas kontenido na e programa. Partisipante nan lo sigui yoga dance un biaha pa siman, kana dos biaha pa siman (den grupo),  e parti teóriko kon ta manehá peso sin usa nada kímiko, tambe loke nos ta yama “sirkulo” di peso, ta sigui ku sekshon di siña prepará kuminda orgániko sigun bo konstitushon, lo midi, pisa, evaluashon di maneho di peso, ehersisio di rosea pa maneho di stress, emoshon i práktikanan di relahashon pa yuda e kurpa ahustá su mes na su propio konstitushon natal.  Lès nan ta kuminsá  djadumingu  27-11-2011.  E kurso lo ta bou di guia di Sra. Bishop i kontakto via Skype ku Dr. Kotecha. (dòkter di Ayurveda). Pa mas detaye por yama òf sms number di telefon 5276372 , via di nos pòst elektróniko, grupokorsou@yahoo.com.  Tambe por yena formulario di aplikashon via di nos websait: www.enlightengroup.org.  Pa mas dedikashon personal,  lo limitá e partisipantenan na djesinku pa kada kurso. Pues si bo ta interesá buska kontakto aworakí mes.