Seminario-Tránsito di e planeta Saturno i su efekto

E Tránsito, di Saturno tan komentá a kuminsá 15 di novèmber 2011 i ta terminá, 2 di novèmber 2014. E lo trese basta purifikashon na tur aspekto  di bida di ser humano. Di akuerdo ku diferente kultura i religion, mundu lo kaba 21 di desèmber 2012. Den e periodo di tránsito e planeta Saturno lo ta den e signo di libra, ku un durashon di 3 aña. Esaki ta un fenómeno tòg ku tin ku para ketu na dje. Den sentido ku unu, Saturno no sa keda tres aña largu den un signo, dos e ta di tránsito den signo di libra; ku ta indiká ku e ta den su mihó posishon “Exsalted”.

E planeta Saturno ta konosí pa su karakterístikanan fèrfelu. Slou, kurpa steif, tardansa, altamente disiplina,kumpli ku tur norma i balor, trese òrdu den desòrdu, hasi hustisia na un i tur, trese kos bieu pa dilanti, tristesa, enfin tur loke un ser humano por spera di Saturno ta un bida di nobo sin sufrimentu.

Normalmente Saturno ta tuma 30 aña pa e pasa den tur e diesdos signonan di zodiak,pues dos aña i mei den kada unu. E bahia aki lo e tuma seis luna èkstra ku ta tres aña den e signo di libra. Kiko esaki ta nifiká pa bida humano riba planeta tera?

Astrologia Védiko ta bisa nos ku kada un di nos ta diferente. Esaki ta mará na nos kultura, ora di nansementu, lugá di nansementu, fecha di nansementu i asta nos nòmber. Tur esaki nan ta hasi nos diferente i úniko for di otro. Ku esaki den mente ta nifiká ku e tránsito di Saturno  den libra su efekto riba kada un di nos lo ta diferente. Mester tene den mente ku tur loke bini ta pa mehorashon, pa drecha i nunka pa mas malu. Riba tur djasabra ta Saturno su dia. Ta bon pa duna algu na pobernan riba djasabra. Tambe ta bon pa prinsipalmente riba djasabra analisá bo energia bo i akshon. Loke bo hala bo atenshon mas Saturno su energia lo drenta i trese balansa. Saturno su manera di ópera; figurábo, bo ta den un toko i bo tin pensa di kumpra kos dushi sabiendo ku dòkter a prohibíbu di esaki, Saturno su energia lo drenta i trese na bo konosementu pa bo skohe algu mas saludabel ku ta yudabo salú. E manera ku e lo hasi esaki ta dependé kon mará bo ta na e kustumber ménos bon. Pues bo por sinti su efekto duru òf suave.

Seminario "Tránsito di e planeta Saturno i su efekto"

Lugá na WTC Sala Francia            Fecha: djasabra 10 di desèmber 2011,                        Orario:9:30–11:30.                           Kontribushon ang.45.00.
Oradó: Glenn F. Fermin                  Idioma: Papiamentu

Lo tin oportunidat pa bo mes wak bo Karta Natal (pa esaki mester di bo fecha, nòmber,ora i lugá di nansementu), studiantenan di astrologia Védiko lo ta presente pa guia i kontesta pregunta, lo tin te òf awa disponibel pa esnan presente.